"Тәуелсіздік- басты құндылығымыз!"

"Қайнар орта мектебі" коммуналдық мемлекеттік мекемесінде 03.09.2021 жылы сағат 11:00-де Қазақстан Республикасы Үкіметінің 2019 жылғы 13 мамырдағы №271 қаулысымен бекітілген "Қазақстан халқы Ассамблеясының (2025 жылға дейінгі) даму тұжырымдамасын іске асыру жөніндегі 2019-2021 жылдарға арналған іс-шаралар жоспарының 40-тармағын орындау аясында Қазақстан Республикасы Тәуелсіздігінің 30 жылдығына арналған жалпықазақстандық ашық диктант өткізілді.
"Тәуелсіздік-басты құндылығымыз!" тақырыбында диктант алынды. Диктант өткізуді ұйымдастыру шараларына мектептің қазақ тілі мен әдебиеті пәні мұғалімдері жұмылдырылды. Алдын-ала аудитория дайындалып, комиссия құрамы бекітілді.
Өткізілген жалпықазақстандық диктант жұмысының өту барысында санитарлық талаптардың сақталуын директордың әдістемелік ісі жөніндегі орынбасары А. Смагулова қадағалады. Ашық диктант мәтінін оқу, дикциясы таза, қазақ тілі мен әдебиеті пәнінің мұғалімі С. Бабажановаға жүктелді.Диктант жұмысына мектеп ұжымы 9-11 сынып оқушылары қатыстырылды. Диктант алынғаннан кейін комиссия мүшелері бағалау өлшемшарттарын басшылыққа ала отырып тексеріп, талдау жасалынды. Диктант нәтижесі мұғалімдердің, оқушылардың мемлекеттік тілді меңгеру дәрежесінің жақсы деңгейде екенін көрсетті